Verkefnið

Er styrkt af Loftslagssjóði og er samstarfsverkefni þekkingar- og nýsköpunarstofnana, annars vegar, og fyrirtækja sem sérhæfa sig í jöklaferðum, hins vegar, sem öll eru staðsett í sveitarfélaginu Hornafirði. Verkefnið samanstendur af fimm tengdum verkpökkum:

• Nýsköpun: þróun á nýjum ferðavörum þar sem miðlun vísindalegra upplýsinga um áhrif loftslagsbreytinga er í forgrunni.
• Menntun: hönnun og innleiðing stuttra námskeiða fyrir ferðaþjónustuaðila til að auka færni þeirra við miðlun þekkingar á loftslagsbreytingum.
• Þekking: hönnun og framleiðsla efnis til miðlunar og túlkunar á loftslagsvísindum sem varða friðlýst svæði. 
• Upplifun: efla áhuga ferðamanna á að gerast virkir þátttakendur í rannsóknum eða vöktun á áhrifum loftslagsbreytinga á ferðasvæðum.
• Rannsóknir: greina og vakta framboð og eftirspurn fyrir vísindaferðavörum, sem og þeirri þekkingarmiðlun sem þar fer fram.